RoomDoo e Ruta N-VI participaron no DemoDay representando ao sector turístico de Galicia, dentro da xornada organizada polo Centro de Estudios Superiores Universitarios de Galicia (CESUGA) na illa da Toxa (O Grove)
O emprendemento do programa de aceleración da Xunta de Galicia segue a participar en xornadas profesionais e de networking como referentes da liña estratéxica do turismo en Galicia neste período extraordinario do Xacobeo 2021-2022.
A Toxa – 29 de xullo de 2021. O Centro de Estudios Superiores Universitarios de Galicia (CESUGA) organiza na illa da Toxa (O Grove) “O Encontro”, unha iniciativa de referencia no ecosistema galego. Este espazo de Investors pon o foco en 5 sectores industriais clave para o futuro de Galicia: AgriFood, BioTech, Aero, Auto e Turismo.
Turislab foi convidada a participar neste foro de networking a través de dúas das súas startups. A primeira Aceleradora de Turismo de Galicia presentou os proxectos de RoomDoo e de Ruta N-VI como expoñentes do talento galego, que está chamado a ser protagonista no sector nos próximos anos.
Durante o DemoDay sectorial de Turismo, presentaron ante os asistentes as potencialidades destas dúas liñas de negocio, que co telón de fondo do sector turístico, aplican a tecnoloxía para fortalecer a oferta global galega.
O emprendemento do programa pioneiro de aceleración de startups turísticas da Xunta de Galicia segue a aumentar o seu protagonismo en xornadas e eventos de networking profesional, exercendo de referentes desta liña estratéxica do Goberno galego na área de turismo, nun período, o actual bienio extraordinario do Xacobeo 2021-2022.
Los comentarios están cerrados.