A primeira clasificada en Turislab 2021 firmou un contrato que lle otorga a Concesión do Complexo Turístico de Beche, en Abegondo (A Coruña).
Suites Nature presentou tamén un proxecto de ampliación para o complexo turístico actual.
Santiago de Compostela, 20 de febreiro de 2023. O Concello de Abegondo xa ten concesionaria para o complexo turístico de Beche. Suites Nature, a primeira gañadora da Aceleradora de startups turísticas da Xunta de Galicia, será a empresa encargada da explotación do complexo despois de gañar o concurso público da entidade municipal. No acto de sinatura estiveron presentes o alcalde do concello coruñés, José Antonio Santiso, e Jorge Martínez, CEO de Suites Nature.
O Complexo Turístico SuitesNature Ecocamp de Beche, localizado no idílico emprazamento do encoro de Beche (Abegondo, A Coruña), aséntase en pleno corazón da ruta Xacobea do Camiño Inglés. A primeira gran gañadora de Turislab 2021, asumirá a explotación das cabanas turísticas, o restaurante, a piscina e o bar, e prevé iniciar de forma inminente os traballos que aumenten as prestacións do complexo.
SuitesNature EcoCamp leva no seu ADN a sostibilidade medioambiental, económica e social, así como a innovación no sector turístico. Así o quixo reflexar nesta licitación, da que saíu como oferta gañadora. Suites Nature presentou un proxecto para ampliar o complexo turístico existente e convertelo así nunha referencia nacional do EcoTurismo de alta calidade, tanto para peregrinos como para turistas en xeral.
O obxectivo de SuitesNature EcoCamp Beche é non só ofrecer a todos os viaxeiros un aloxamento nun entorno único senón tamén poder desfrutar de experiencias nun ámbito natural inmellorable.
Los comentarios están cerrados.