- Os proxectos en aceleración veñen de recibir unha formación especial, cun módulo de Lego® Serious Play Method da man de Juan Antonio Barbero, profesor da European Business Factory
- David Villar: “Transmitir coñecemento multidisciplinar por medio de técnicas innovadoras é parte da esencia desta Aceleradora”
Turislab, a primeira Aceleradora de startups e emprendemento especializada no sector turístico de Galicia, segue a innovar as súas propias técnicas de formación e mentorización. A mellor mostra foi a masterclass impartida por Juan Antonio Barbero, profesor da European Business Factory e experto en dirección e intelixencia comercial e técnicas de venta, quen propuxo aos proxectos seleccionados participantes unha xornada especializada no método Lego Serious Play.
O programa formativo de Turislab ábrese así a actividades transversais con formadores especializados que aportan valor e complementan aos módulos impartidos polo equipo de profesores e mentores. “Transmitir coñecemento multidisciplinar por medio de técnicas innovadoras é parte da esencia desta Aceleradora. Este módulo de Lego foi realmente interesante e moi ben acollido por todos”, resume David Villar, o director de Turislab.
O próximo módulo de formación académica deste mes de xuño será sobre O pacto dos socios, de cara á futura saída aos mercados dos proxectos innovadores da Aceleradora. Este contido será impartido por Daniel Neira, profesor do departamento de Dereito Público da Universidade de Santiago de Compostela e membro do profesorado de Turislab.
Los comentarios están cerrados.