Os emprendedores e emprendedoras trasladáronse ao Centro de Servizos Avanzados de Galicia Turistic en Vilagarcía de Arousa para o gran ensaio xeral antes do Investor Day e do Demoday deste mes
No xurado tiveron representación o Centro Superior de Hostalería de Galicia, AJE Pontevedra, a Mancomunidade do Salnés, empresas como Tee Travel, Dos Espacios, Craftum, Suites Nature ou Appentra Solutions
Vilagarcía de Arousa, 12 de novembro de 2022. As startups finalistas da segunda edición da Aceleradora de proxectos turísticos da Xunta de Galicia tiveron hoxe a oportunidade de exercitar as súas habilidades como comunicadores de cara a perfeccionar os seus discursos para o Investor Day, que terá lugar o vindeiro 25 de novembro e para o Demoday decisivo, que escollerá aos grandes gañadores deste ano.
A xornada de formación sobre emprendemento celebrouse no Centro de Servizos Avanzados de Galicia Turistic, en Vilagarcía de Arousa, onde foron presentados os proxectos no seu maior grao de maduración do programa. O obxectivo deste ensaio xeral era analizar e mellorar as súas presentacións de cara ao eventos finais, nos que se xogarán o futuro antes de saír aos mercados. A meta é a de poder poñer en práctica todo o aprendido na fase da Academia da Aceleradora nunha contorna descoñecida para os emprendedores e emprendedoras e ante un público formado por profesionais de diferentes perfís con distinto grao de coñecemento previo do contido dos mesmos.

Os asistentes tiveron a oportunidade de coñecer de primeira man as instalacións do primeiro Centro de Servizos Avanzados de Galicia, o se equipamento e os laboratorios como o Maker , Realidade Virtual e Realidade Aumentada.
Os membros do xurado conformaron un grupo heteroxéneo con representación destacada do Centro Superior de Hostelería de Galicia, AJE Pontevedra, Mancomunidade do Salnés así como empresas do sector turístico e tecnolóxico de Galicia como Tee Travel, Dos Espacios, Craftum, Suites Nature, Appentra Solutions, Une Comunicación ou o Grupo GEM Galicia.
Los comentarios están cerrados.